Érase unha vez… un proxecto Open Source
Un conto para aprender sobre licenzas, comunidades e contribucións.
Unha caixa de cartón, unha gata chamada Teky e os animais dun bosque enteiro. Porque entender o Open Source non debería dar máis medo ca unha historia para ir para a cama.
Polo de agora, só en galego. Axúdasnos a traducilo ao castelán?
Un conto para aprender sobre Open Source
Para persoas grandes que se dedican ao software e para as pequenas que quizais algún día tamén o fagan.
Naceu mentres preparaba unha charla para a WordCamp Galicia 2026. Aquel guión de dez minutos medrou ata converterse nun proxecto aberto, co texto, a charla e as ilustracións no repositorio. Agora tamén é un libro ilustrado.
O libro conta unha historia: Teky constrúe unha caixa de cartón para non pasar frío e compártea cos animais do bosque. O que lle pasa á caixa serve de metáfora para explicar conceptos reais dun proxecto open source.
Se che interesa o proceso de liberar un proxecto e os pasos para contribuír, quizais che guste esta historia.
O libro ilustrado
Páxina a páxina.
Xa podes follear o libro en galego, páxina a páxina.
Esta é a edición de proba (v0.1): unhas poucas copias en papel, non venais, para estreala na WordCamp Galicia e recoller ideas antes da primeira edición. A versión dixital é de balde e aberta para uso non comercial.
Os materiais
Todo o que precisas para ler, contar ou reutilizar o conto.
A túa parte da historia
A caixa aínda ten sitio para ti.
Non fai falta saber facelo todo. Podes traducir unha páxina, detectar unha errata, contar a historia ou facer que máis persoas a poidan ler. Escolle por onde empezar.
Traduce
O conto está en galego. A tradución ao castelán é o máis útil agora mesmo, e calquera outro idioma é benvido.
02Revisa
Atopaches unha errata ou unha explicación que se pode mellorar? Abre unha incidencia.
03Cóntao
Nun meetup, nunha aula, nun obradoiro. Os materiais están para reutilizar.
04Para docentes
Unha guía para usar o conto na aula aínda non existe. Axúdasnos a facela?
05Accesibilidade
Textos alternativos para as ilustracións, un audiolibro, unha edición en braille ou en lectura fácil.
ApoiaCopias para regalar
Queres financiar copias en papel para aulas, bibliotecas ou eventos, de balde para quen as reciba? Escríbenos e falamos.
As instrucións
Non sabes por onde empezar?
No CONTRIBUTING atopas que axudas encaixan e como facer a primeira; no taboleiro de Norma, as tarefas listas para coller. Escolle unha, deixa un comentario e é túa.
Licencio explica
Este conto tamén leva a súa nota.
O conto, o guión, os personaxes e as ilustracións teñen licenza CC BY-NC 4.0: podes compartilos, traducilos, adaptalos e contalos en aulas e charlas, sempre para uso non comercial. Lembra citar a autoría.
O xerador da presentación e esta web teñen licenza MIT.
As licenzas que aparecen dentro do conto (MIT, GPL, Apache) son parte da historia, non a licenza desta obra.
Tui pía
Se non o contas, ninguén se entera.
Unha estrela no repositorio é o teu pío: axuda a que o conto chegue a máis xente e a que outras persoas atopen o proxecto.